Ծառայության մատուցման կարգ և ժամկետներ
Վերջին թարմացումը՝ 2026 թ. հոկտեմբեր
Towny-ն մատուցում է ծառայություններ, ուստի «առաքում» ասելով հասկացվում է մասնագետի այցը ձեր նշած հասցե և աշխատանքի կատարումը տեղում։ Սույն փաստաթուղթը սահմանում է, թե որտեղ, երբ և ինչպես է դա կատարվում։
1. Սպասարկման տարածք
Ծառայությունները մատուցվում են ք. Երևանի վարչական սահմաններում՝ բոլոր վարչական շրջաններում։
Երևանից դուրս այցեր ներկայումս չեն կատարվում։ Եթե հասցեն գտնվում է սպասարկման տարածքից դուրս, հավելվածը թույլ չի տա ձևակերպել պատվերը։ Սպասարկման տարածքի ընդլայնման մասին կտեղեկացվի կայքում և հավելվածում։
2. Աշխատանքային ժամեր
Այցերը կատարվում են ամեն օր՝ 09:00-ից 20:00-ը։ Պատվերի սկիզբը պետք է ընտրվի այնպես, որ աշխատանքն ավարտվի նույն օրվա ընթացքում։
Աջակցման ծառայությունը հասանելի է ամեն օր՝ 09:00–20:00։ Այս ժամերից դուրս ուղարկված հաղորդագրություններին պատասխանում ենք հաջորդ աշխատանքային օրը։
3. Ինչպես է կատարվում այցը
Պատվերը հաստատվելուց հետո հավելվածում երևում է նշանակված մասնագետի անունը և այցի ժամը։
Մասնագետը ժամանում է ձեր նշած հասցեով՝ ընտրված ժամին, և սկսում աշխատանքը պատվերում նշված ծավալով։ Այցի ողջ ընթացքում հասցեում պետք է ներկա լինի հաճախորդը կամ նրա վստահելի չափահաս անձը։
Աշխատանքն ավարտվելուց հետո մասնագետը փակում է պատվերը հավելվածում, և դուք ստանում եք գնահատման հարցում։
4. Ծառայության տևողություն
Ժամով հաշվարկվող ծառայությունների տևողությունը որոշում եք դուք՝ պատվերը ձևակերպելիս ընտրելով ժամերի քանակը։
Մակերեսով հաշվարկվող ծառայությունների տևողությունը հաշվարկվում է ավտոմատ՝ ձեր նշած մակերեսի հիման վրա, և ցուցադրվում է մինչև վճարումը։
Տևողությունը մոտավոր է. փաստացի աշխատանքը կարող է ավարտվել ավելի շուտ։ Եթե նշված ժամանակը բավարար չէ ձեր ուզած ծավալի համար, մասնագետը կտեղեկացնի ձեզ, և դուք կարող եք ավելացնել ժամեր՝ լրացուցիչ վճարով։
5. Ուշացում
Եթե մասնագետը ուշանում է, դուք ստանում եք ծանուցում հավելվածում՝ նոր սպասվող ժամի նշումով։
60 րոպեից ավելի ուշացման դեպքում դուք իրավունք ունեք չեղարկել պատվերն առանց որևէ պահումի և ստանալ վճարված գումարի լրիվ փոխհատուցում՝ «Վերադարձի և գումարի փոխհատուցման պայմանների» համաձայն։
6. Եթե հասցեում ոչ ոք չկա
Մասնագետը ժամանելուց հետո սպասում է հասցեում մինչև 30 րոպե և այդ ընթացքում փորձում կապվել ձեզ հետ պատվերում նշված հեռախոսահամարով։
Եթե այդ ժամանակահատվածում մուտքն ապահովված չէ, պատվերը փակվում է որպես չկայացած՝ հաճախորդից կախված պատճառով, և վճարված գումարը չի վերադարձվում։
7. Փոփոխություն և տեղափոխում
Այցի ժամը կամ հասցեն կարելի է փոխել Towny հավելվածում՝ այցից առնվազն 12 ժամ առաջ, առանց լրացուցիչ վճարի, եթե նոր հասցեն գտնվում է սպասարկման տարածքում։
Ավելի ուշ փոփոխությունը հնարավոր է միայն մասնագետի ազատ ժամերի առկայության դեպքում։ Այս դեպքում կիրառվում են ուշ չեղարկման պայմանները։
Փաստաթուղթը հրապարակել է ԹԱՈՒՆԻ սահմանափակ պատասխանատվությամբ ընկերություն, ՀՎՀՀ 02338474, հասցե՝ ՀՀ, ք. Երևան, Շենգավիթ։