Ծառայությունների մատուցման պայմաններ
Վերջին թարմացումը՝ 2026 թ. հոկտեմբեր
Սույն պայմանները կարգավորում են Towny-ի և հաճախորդի միջև հարաբերությունները՝ մաքրության ծառայությունների պատվիրման, մատուցման և վճարման մասով։ Towny հավելվածում պատվեր ձևակերպելով՝ դուք հաստատում եք, որ ծանոթացել եք սույն պայմաններին և համաձայն եք դրանց։
1. Ընդհանուր դրույթներ
Ծառայությունները մատուցում է Towny-ն՝ որպես Հայաստանի Հանրապետությունում գրանցված կազմակերպություն։ Հաճախորդ է համարվում այն ֆիզիկական կամ իրավաբանական անձը, ով Towny հավելվածի միջոցով ձևակերպել է պատվեր։
Պայմանագիրը կնքված է համարվում պատվերի հաստատման և վճարման պահից։ Towny-ն իրավունք ունի թարմացնել սույն պայմանները՝ նոր խմբագրությունը հրապարակելով այս էջում։ Փոփոխությունները չեն տարածվում մինչ այդ արդեն հաստատված պատվերների վրա։
2. Ծառայությունների նկարագրություն
Towny-ն մատուցում է բնակելի և ոչ բնակելի տարածքների մաքրության ծառայություններ՝ ընթացիկ մաքրում, գլխավոր (խորը) մաքրում, վերանորոգումից հետո մաքրում, փափուկ կահույքի քիմիական մաքրում և գրասենյակների մաքրում։
Յուրաքանչյուր ծառայության մանրամասն նկարագրությունը, ներառված աշխատանքների ցանկը, տևողությունը և սակագինը ներկայացված են կայքի «Գներ» բաժնում և Towny հավելվածում։ Աշխատանքները կատարում են Towny-ի հետ աշխատանքային հարաբերությունների մեջ գտնվող մասնագետները։
3. Պատվերի ձևակերպում
Պատվերը ձևակերպվում է Towny բջջային հավելվածի միջոցով։ Հաճախորդն ընտրում է ծառայությունը, նշում է աշխատանքի ծավալը (ժամերի քանակը կամ մակերեսը), հասցեն և ցանկալի ժամը։
Մինչև վճարումը հաստատելը հավելվածը ցուցադրում է վերջնական գումարը՝ ՀՀ դրամով։ Պատվերը համարվում է ընդունված միայն վճարման հաջող կատարումից հետո, ինչի մասին հաճախորդը ստանում է հաստատում հավելվածում։
4. Գներ և վճարում
Բոլոր գները նշված են Հայաստանի Հանրապետության դրամով (AMD)։ Կայքի «Գներ» բաժնում հրապարակված սակագները գործող են և համընկնում են հավելվածում կիրառվողների հետ։
Վճարումն իրականացվում է բանկային վճարային քարտով՝ սպասարկող բանկի անվտանգ վճարային էջի (vPOS) միջոցով։ Ընդունվում են VISA և Mastercard համակարգերի քարտերը։ Կանխիկ վճարում մասնագետին չի կատարվում։
Գործարքի հաստատումից հետո հաճախորդը ստանում է էլեկտրոնային անդորրագիր՝ հավելվածում և էլեկտրոնային փոստին։ Towny-ն իրավունք ունի փոփոխել սակագները՝ նոր գները հրապարակելով կայքում և հավելվածում. արդեն վճարված պատվերի գումարը չի վերահաշվարկվում։
5. Իրավական սահմանափակումներ
- Ծառայությունները հասանելի են 18 տարին լրացած անձանց։ Անչափահասը չի կարող ինքնուրույն պատվեր ձևակերպել կամ վճարել։
- Ծառայությունները մատուցվում են բացառապես ք. Երևանի վարչական սահմաններում։
- Վճարումը պետք է կատարվի հաճախորդին պատկանող կամ նրա կողմից օրինական օգտագործվող քարտով։ Երրորդ անձի քարտի չարտոնված օգտագործումն արգելվում է։
- Այցի ողջ ընթացքում հասցեում պետք է ներկա լինի հաճախորդը կամ նրա վստահելի չափահաս անձը։
- Towny-ն չի մատուցում ծառայություններ վտանգավոր, հակասանիտարական կամ օրենքով արգելված գործունեություն իրականացվող տարածքներում, ինչպես նաև այն դեպքերում, երբ առկա է մասնագետի կյանքին կամ առողջությանը սպառնացող վտանգ։
- Արգելվում է մասնագետից պահանջել սույն պայմաններով չնախատեսված աշխատանքներ՝ բարձրահարկ պատուհանների արտաքին լվացում, ծանր իրերի տեղափոխում, էլեկտրական կամ սանտեխնիկական աշխատանքներ, կենդանիների խնամք։
- Արգելվում է մասնագետին առաջարկել աշխատանք Towny-ից դուրս՝ ուղիղ պայմանավորվածությամբ։
- Towny-ն իրավունք ունի մերժել կամ չեղարկել պատվերը, եթե խախտվել է սույն կետերից որևէ մեկը, ինչպես նաև մասնագետի նկատմամբ անհարգալից կամ վիրավորական վերաբերմունքի դեպքում։
6. Կողմերի իրավունքներն ու պարտականությունները
Towny-ն պարտավորվում է՝ ուղարկել ստուգված մասնագետ նշված հասցեով և ժամին, ապահովել հայտարարված ծավալի աշխատանքի կատարումը, պահպանել հաճախորդի տվյալների գաղտնիությունը։
Հաճախորդը պարտավորվում է՝ տրամադրել ճշգրիտ հասցե և կոնտակտային տվյալներ, ապահովել մասնագետի մուտքը տարածք նշված ժամին, ապահովել ջրի և էլեկտրաէներգիայի առկայությունը, նախապես ապահով տեղում պահել ոսկյա իրերը, կանխիկը, փաստաթղթերը և այլ թանկարժեք իրերը։
7. Պատասխանատվության սահմանափակում
Towny-ն պատասխանատվություն չի կրում հասցեում գտնվող կորած կամ բացակայող իրերի համար։ Նման դեպքում հաճախորդի պահանջով մենք կտրամադրենք այցը կատարած մասնագետի տվյալները, սակայն հարցի հետագա ընթացքը լուծվում է ՀՀ օրենսդրությամբ սահմանված կարգով՝ իրավապահ մարմինների միջոցով։
Towny-ն պատասխանատվություն չի կրում այն վնասի համար, որն առաջացել է հաճախորդի կողմից գույքի վիճակի կամ նյութի առանձնահատկությունների մասին ոչ ամբողջական տեղեկատվության հետևանքով, ինչպես նաև մինչև այցը գոյություն ունեցած մաշվածության կամ թերությունների համար։
Մասնագետի մեղքով պատճառված ապացուցված գույքային վնասը հատուցվում է ՀՀ օրենսդրությանը համապատասխան։ Վնասի մասին պետք է հայտնել այցի օրվա ընթացքում։
8. Կիրառելի իրավունք և վեճերի լուծում
Սույն պայմանների նկատմամբ կիրառվում է Հայաստանի Հանրապետության օրենսդրությունը։
Կողմերի միջև ծագած վեճերը լուծվում են բանակցությունների միջոցով։ Համաձայնության չհասնելու դեպքում վեճը ենթակա է լուծման ՀՀ դատարանում՝ օրենսդրությամբ սահմանված կարգով։ Բողոք ներկայացնելու համար դիմեք մեզ «Կապ» բաժնում նշված միջոցներով։
Փաստաթուղթը հրապարակել է ԹԱՈՒՆԻ սահմանափակ պատասխանատվությամբ ընկերություն, ՀՎՀՀ 02338474, հասցե՝ ՀՀ, ք. Երևան, Շենգավիթ։